Samkvæmt frétt Sky Sports stendur val Christian Eriksen í sumar á milli Brentford og Manchester United.
Daninn skrifaði undin stuttan samning við Brentford í janúar sem nú er runninn út. Eriksen var þá að snúa aftur á knattspyrnuvöllinn eftir að hafa farið í hjartastopp á leik með Dönum á Evrópumótinu síðasta sumar.
Frammistaða hans fór fram úr væntingum allra og hefur Eriksen nú verið orðaður við stærri félög. Hans fyrrum vinnuveitendur í Tottenham hafa verið nefndir til sögunnar, auk Manchester United.
Nú er hins vegar talið að valið standi á milli Brentford og Man Utd.
Það er ljóst að miðjumaðurinn fengi hærri laun á Old Trafford. Hann vill hins vegar vera öruggur um spiltíma fyrir Heimsmeistaramótið í Katar í nóvember og desember. Þar gæti Brentford reynst öruggari kostur.