Graham Potter, stjóri Brighton, hefur tjáð sig um félagaskipti Yves Bissouma til Tottenham sem voru staðfest í vikunni.

Bissouma gekk í raðir Tottenham á 25 milljónir punda en hann var einn allra mikilvægasti leikmaður Brighton á miðjunni.

Potter er ekki sár yfir því að missa Bissouma og segir að skiptin henti bæði Brighton og leikmanninum sjálfur.

Það var alltaf draumur Bissouma að spila í Meistaradeildinni og fær hann það tækifæri með Tottenham á næstu leiktíð.

,,Þessi félagaskipti eru góð fyrir félagið og fyrir leikmanninn. Yves hefur sýnt gæði með okkur og sannað það að hann er mikilvægur leikmaður,“ sagði Potter.

,,Nú bíður hans ný áskorun hjá Tottenham og tækifæri á að spila í Meistaradeildinni og allir hjá félaginu óska honum velfarnaðar.“