Fram tók á móti Val í Bestu deild karla í Safamýrinni í dag.

Valur þurfti á öllum stigunum að halda til að halda í við topplið Blika og komst í forystu á 16. mínútu þegar Ágúst Eðvald Hlynsson setti boltann í netið eftir fína sókn en Guðmundur Magnússon jafnaði fyrir Fram með skalla á 27. mínútu eftir sendingu frá Fred.

Valsarar urðu manni færri undir lok fyrri hálfleiks þegar Birkir Heimisson var rekinn af velli eftir að hafa fengið sitt annað gula spjald í leiknum. Þá fór Sveinn Sigurður, markvörður liðsins, af velli snemma leiks vegna meiðsla og Kristján Hjörvar Sigurkarlsson kom inn á í hans stað.

Guðmundur Magnússon kom Frömurum yfir á 56. mínútu en Ágúst Eðvald jafnaði metin í 2-2 aðeins mínútu síðar. Þá var komið að Jannik Holmsgaard að tryggja Fram sigurinn í leiknum en það gerði hann með marki á 67. mínútu eftir sendingu frá Tiago. Lokatölur 3-2 sigur heimamanna.

Fram er í 8. sæti með átta stig, fimm stigum á eftir Val sem situr í 5. sæti og hefur nú  tapað þremur af átta deildarleikjum sínum á leiktíðinni en liðið datt úr leik í Mjólkurbikarnum á fimmtudaginn eftir 6-2 tap gegn Breiðablik.

Valur 3 – 2 Valur
0-1 Ágúst Eðvald Hlynsson (’16)
1-1 Guðmundur Magnússon (’27)
2-1 Guðmundur Magnússon (’56)
2-2 Ágúst Eðvald Hlynsson (’57)
3-2 Jannik Holmsgaard (’67)