Síðustu daga hefur Sadio Mane, leikmaður Liverpool, verið sterklega orðaður við Bayern Munchen.
Franska blaðið L’Equipe gekk í dag svo langt að segja að viðræður á milli Mane og Bæjara væru langt komnar.
Talið er að Bayern vilji borga um 25 milljónir punda fyrir Senegalann.
Mane á aðeins ár eftir af samningi sínum við Liverpool.
Jurgen Klopp, stjóri Liverpool, var spurður út í orðróminn í dag. „Mér er alveg sama. Hann er einbeittur á úrslitaleikinn,“ sagði Þjóðverjinn.
Liverpool mætir Real Madrid í úrslitaleik Meistaradeildar Evrópu annað kvöld. Liðin mættust í sama leik fyrir fjórum árum en þá vann Real Madrid.