Kurt Zouma, leikmaður West Ham United, sagðist í dómssal í dag hafa gerst sekur um dýraníð í tveimur brotum sem hann þarf að svara fyrir í dómsmáli gegn sér.
Myndband af Kurt að sparka og slá til kattar sín birtist í enskum miðlum í febrúarmánuði en Yoan bróðir hans hafði tekið myndbandið upp.
Í dómssmálinu sem höfðað er gegn honum er Zouma sakaður um að láta köttinn sinn ganga í gegnum þjáningu að óþörfu og að vernda hann ekki fyrir meiðslum. Zouma hefur haldið áfram að leika með West Ham allar götur frá því að málið kom upp. Við það eru margir ósáttir.
Zouma mætti í dómssal í morgun með Yoan bróður sínum og með þeim í för voru tveir lífverðir.
Zouma játaði sekt sína í morgun í tveimur ákæruliðum um að hafa valdið vernduðu dýri „óþarfa þjáningu, með því að sparka í og slá kött“, sem er í bága við 4. lið 1. undirliðs dýravelferðarlaga í Bretlandi. Þriðji ákæruliðurinn sem sneri að því að Zouma hefði ekki verndað kött sinn fyrir meiðslum var felldur niður.