Anthony Martial, leikmaður Sevilla á láni frá Manchester United, og kona hans, Melanie Da Cruz, eru hætt saman. Martial hélt framhjá Melanie er hún var komin átta mánuði á leið með nú fjögurra ára son þeirra. Fleiri uppákomur í gegnum tíðina hafa tekið sinn toll á sambandið og nú virðist Melanie hafa gefist upp.
Enska götublaðið Daily Star greinir frá þessu nú í kvöld. Martial og Melanie hafa verið gift í þrjú ár en verið saman í fimm ár.
Sambandsslitin eru enn eitt höggið í maga Martial á síðustu misserum. Hann var lánaður frá Man Utd í janúar þar sem ekkert gekk upp.
Gengið hefur ekki verið betra á Spáni. Það hefur meðal annars verið baulað á Martial af eigin stuðningsmönnum.