Sex samningslausir leikmenn Manchester United fá ekki boð um nýjan samning í sumar ef mark má taka á frétt Mirror.
Þar segir að leikmennirnir hafi fengið þau skilaboð að ekki verði sest við samningaborðið.
Einn af þeim er Paul Pogba en hann hefur ekki sýnt því neinn áhuga að framlengja dvöl sína í Manchester.
Edinson Cavani er einnig á lista og sömu sögu er að segja af Jesse Lingard sem vill spila meira.
Juan Mata og Tahith Chong þurfa svo að finna sér ný lið en sömu sögu er að segja af varamarkverðinum, Lee Grant.
Erik ten Hag tekur líklega við starfi knattspyrnustjóra í sumar en fullyrt er að þjálfari Ajax sé nálægt því að skrifa undir.
