Tveimur leikjum var að ljúka í átta liða úrslitum Evrópu- og Sambandsdeildarinnar rétt í þessu.
RB Leipzig fékk Atalanta í heimsókn í Evrópudeildinni. Leiknum lauk með 1-1 jafntefli.
Kólumbíski vængmaðurinn Luis Muriel kom gestunum yfir á 17. mínútu eftir stoðsendingu frá fyrrum Chelsea manninum Davide Zappacosta. Þannig stóðu leikar í hálfleikar.
Davide Zappacosta setti svo boltann í eigið net eftir að André Silva hafði klikkaði á vítaspyrnu fyrir Leipzig og staðan orðin 1-1. Það reyndust lokatölur leiksins. Liðin mætast aftur fimmtudaginn 14. apríl.
Þá gerðu Feyenoord og Sparta Praha jafntefli í markaleik. Luis Sinissterra kom Feyenoord yfir með marki á 10. mínútu en gestirnir frá Prag sneru leiknum sér í vil með mörkum frá Peter Olayinka og Yira Sor í sitthvorum hálfleiknum.
Marcos Senesi jafnaði fyrir hollenska liðið á 74. mínútu og Orkun Kökçü virtist hafa unnið leikinn fyrir þá en Ibrahim Traore jafnaði fyrir Sparta menn á fimmtu mínútu uppbótartíma, lokatölur 3-3. Liðin mætast aftur í Prag í næstu viku.