Liverpool vann í gær mikilvægan 3-1 útisigur á portúgalska liðinu Benfica á útivelli þegar að liðin mættust í 8-liða úrslitum Meistaradeildar Evrópu. Luis Diaz skoraði eitt marka Liverpool undir lok leiks og reiður stuðningsmaður Benfica reyndi að láta reiði sína bitna á honum.
Stuðningsmaðurinn hélt á járnstöng í hendi sér og kastaði henni í áttina að Diaz er hann fagnaði marki sínu. Stöngin hæfði sem betur fer ekki Diaz sem spilaði á sínum tíma með erkifjendum Benfica í Porto.
,,Þetta er ógeðsleg hegðun. Ég veit að hann hefur spilað fyrir Porto og þeir eru erkifjendur Benfica en stuðningsmenn eiga að vera betri en þetta,“ sagði Micah Richard, sérfræðingur í setti hjá CBS Sports þegar atvikið var sýnt í útsendingu í gær.
Myndband af atvikinu má sjá hér fyrir neðan:
Former Porto winger Luis Diaz had sticks thrown at him.@carra23 @micahrichards and @liannesanderson were not impressed by the fan behavior. pic.twitter.com/VeATvJmMfa
— CBS Sports Golazo ⚽️ (@CBSSportsGolazo) April 5, 2022