Genoa tók á móti Lazio í Serie A á Ítalíu í dag. Albert Guðmundsson er leikmaður fyrrnefnda liðsins.
Gestirnir leiddu 0-2 í hálfleik eftir mörk frá Adam Marusic og Ciro Immobile.
Immobile kom Lazio í 0-3 á 63. mínútu áður en Genoa minnkaði muninn fimm mínútum síðar þegar Patric setti boltann í eigið net.
Immobile fullkomnaði svo þrennu sína og innsiglaði 1-4 sigur Lazio á 76. mínútu.
Albert kom inn á sem varamaður á 82. mínútu.
Genoa er í nítjánda sæti deildarinnar með 22 stig, 3 stigum frá öruggu sæti. Lazio er í fimmta sæti með 55 stig, 7 stigum frá Meistaradeildarsæti.
