Erik ten Hag þjálfari Ajax hefur staðfest að hann hafi átt í viðræðum við Manchester United um að taka við þjálfun liðsins.
Talið er að United hafi einnig fundað með Mauricio Pochettino en öll vötn renna til þess að Ten Hag taki við.
„Fólk þekkist í þessum heimi, það er eðlilegt að funda með aðilum frá öðrum félögum,“ sagði Ten Hag um stöðu máli.
„Manchester United er stórt félag með frábæra stuðningsmenn. Ég er bara að hugsa um Ajax núna.“
Ajax er að berjast um sigur í hollensku deildinni en forráðamenn United vilja klára sín mál fyrr en síðar.
„Ég þarf að hugsa um síðustu leikina, annað er bara til þess að trufla. Ég útiloka ekkert, ég sest niður með Ajax eftir tímabilið.“
