Gerard Pique, varnarmaður spænska stórliðsins Barcelona er himinlifandi með að nágrannar liðsins í Espanyol hafi á síðasta tímabili náð að tryggja sér sæti í spænsku úrvalsdeildinni á ný. Hann segir leikina raunar vera betri en kynlíf.
,,Ég var virkilega ánægður með að Espanyol hafi náð að tryggja sér sæti í efstu deild í fyrra. Þá get ég fengið að spila á heimavelli liðsins aftur,“ sagði Pique í samtali við Sport en mikill rígur er á milli Barcelona og Espanyol.
Hann segir kynlíf ekki einu sinni geta jafnast á við tilfinninguna þegar að hann spilar á móti Espanyol á heimavelli liðsins.
,,Ég nýt þess að spila á móti þeim. Mér finnst í rauninni skemmtilegra að spila þessa leiki heldur en leiki okkar við Real Madrid,“ sagði Gerard Pique, varnarmaður Barcelona.