Gianluca Di Marzio knattspyrnusérfræðingur segir að Manchester United ætli að bjóða Paul Pogba nýjan samning þó vonin sé veik að hann skrifi undir.
Samningur Pogba er á enda í sumar og hefur hann talað opinberlega um það að vilja nýja áskorun á ferli sínum.
„Ég veit að Manchester United vill halda honum, þeir bíða eftir því að ráða inn nýjan þjálfara,“ sagði Di Marzio.
„Kannski vill nýr þjálfari byggja lið sitt í kringum Pogba. Félagið mun reyna að framlengja en ég held að Paul vilji breytingu.“
„Hann mun hlusta á tilboð frá Ligue 1 og La Liga þar sem hann gæti blómstrað.“
Pogba kom til United fyrir sex árum en félagið hefur ekki fundið taktinn sinn en Pogba hefur heldur ekki staðið sig líkt og vonir stóðu til.