Tæpir tíu mánuðir eru síðan Christian Eriksen hneig niður á Parken í leik með danska landsliðinu á Evrópumótinu. Sem betur fer fór allt vel og hefur endurkoma hans á knattspyrnuvöllinn verið framar björtustu vonum.
Eriksen leikur með Brentford í ensku úrvalsdeildinni. Hann gekk til liðs við félagið frá Inter í janúar og hefur staðið sig afar vel.
Thomas Frank, stjóri Brentford, vill hafa Eriksen áfram hjá sér. ,,Við myndum elska að hafa hann áfram. Ég er viss um að hann nýtur sín hér,“ sagði Frank en bætti við að það yrði ekki skrifað undir neitt fyrr en í lok sumars.
Eriksen lék áður um árabil með Tottenham í ensku úrvalsdeilinni. Það er ljóst að stærri lið en Brentford munu hafa auga með honum ef hann heldur áfram að standa sig vel.