Elín Metta Jensen ein besta knattspyrnukona landsins er sögð hætt í fótbolta. Þetta sagði Hjörvar Hafliðason í hlaðvarpsþættinum Dr. Football í dag.
Elín Metta verst allra fregna og sagði í samtali við blaðamann. „Ég hef fengið fleiri símtöl í dag, ég neita að tjá mig,“ segir Elín.
Besti leikmaður Bestu deildar kvenna er hætt samkvæmt heimildum Dr. Football. Enski boltinn og Barca fyrirferðamiklir í þætti dagsins.https://t.co/JOzIdK99pM
— Dr. Football Podcast (@drfootballpod) March 4, 2022
Elín hefur raðað inn mörkum fyrir Val og íslenska landsliðið síðustu ár en nú virðast skórnir komnir í hilluna.
Elín er 27 ára gömul en hún hefur undanfarin ár menntað sig sem læknir. Ljóst er að um mikla blóðtöku er að ræða fyrir Val og íslenska landsliðið ef Elín hefur ákveðið að hætta.
Elín hefur leikið með Val allan sinn feril en hún virðist nú hætt samkvæmt Hjörvari Hafliðasyni.