Arnar Þór Viðarsson stýrði sínum sautjánda landsleik sem þjálfari A-landsliðs karla í gær. Niðurstaðan var niðurlæging gegn Spáni og erfitt gengi landsliðsins undir stjórn Arnars heldur áfram.

Arnar tók við landsliðinu í desember árið 2020 en stýrði sínum fyrstu leikjum árið 2021. Eiður Smári Guðjohnsen var fyrst um sinn aðstoðarmaður hans en hætti undir lok síðasta árs og Jóhannes Karl Guðjónsson tók við.

Í leikjunum sautján hefur íslenska liðið fengið á sig 33 mörk en aðeins skorað sextán á móti. Liðið hefur svo aðeins unnið þrjá leiki af 17 en tveir sigrar komu gegn Liechtenstein og einn gegn Færeyjum sem eru ekki hátt skrifaðar knattspyrnuþjóðir.

Liðið hefur undir stjórn Arnars gengið í gengum miklar breytingar en bætingar frá síðasta hausti hafa hingað ekki ekki náð skína í gegn.

Í sautján leikjunum áður en Arnar Þór tók við liðinu hafði íslenska liðið unnið sjö af sautján leikjum sínum en liðið tapaði öllum sex leikjum sínum í Þjóðadeildinni árið 2020. Þá lék liðið undir stjórn Erik Hamren.

Liðið skoraði 20 mörk í þessum leikjum en fékk 26 á sig. Liðið skorar því minna undir stjórn Arnars og fær meira af mörkum á sig, úrslitin eru svo ekki eins góð.