Það var nokkuð kostulegt atvik á blaðamannafundi karlalandsliðsins í knattspyrnu í dag. Liðið er á Spáni og undirbýr sig fyrir æfingaleik gegn Finnum á laugardag, liðið mætir svo heimamönnum í næstu viku.
Jóhannes Karl Guðjónsson er nýr aðstoðarþjálfari liðsins og er í sinu fyrsta verkefni. Sonur hans Ísak Bergmann er einn af lykilmönnum liðsins og sat fyrir svörum á fréttamannafundi í dag.
Jóhann Ingi Hafþórsson blaðamaður Morgunblaðsins reið fyrstur á vaðið þegar rætt var við Ísak. Vildi hann vita hvernig væri að vera í landsliðinu með pabba gamla á hliðarlínunni.
Eitthvað ruglaðist Jóhann þegar hann var að bera upp spurninguna og talaði um Jóhannes Karl sem frænda Ísaks.
„Frændi minn?,“ sagði Ísak og blaðamaðurinn var fljótur að átta sig á þessum ruglingi sínum, ekki skal undra að það slái stundum saman þegar rætt og ritað er um þá mögnuðu knattspyrnuætt sem þarna kemur frá Akranesi.
„Við eigum þetta á upptöku ef þú vilt birta þetta,“ sagði Ómar Smárason fjölmiðlafulltrúi við Jóhann sem bað Ómar vinsamlegt um að eyða upptökunni í léttum tón.