Mohamed Salah gæti verið á förum frá Liverpool í bráð.

Umboðsmaður Salah hefur látið hafa eftir sér að Salah skrifi ekki undir það samningstilboð sem Liverpool sé með á borðinu núna. Samningur hans er á enda eftir 16 mánuði. Ljóst er að Liverpool vill sjá Salah skrifa undir fyrir sumarið.

Nái Salah ekki saman við Liverpool eru líkur á því að enska félagið selji sinn besta mann frekar en að eiga á hættu að missa hann frítt sumarið 2023.

Nú segir spænski miðillinn Sport frá því að Salah sé opinn fyrir því að ganga í raðir Barcelona eða Paris Saint-Germain.

Það er ljóst að stór ákvörðun bíður bæði Salah og Liverpool á allra næstu misserum.