Real Madrid og Manchester City hafa þegar tekið til þá fjármuni sem þarf til að klófesta Erling Braut Haaland, framherja Dortmund, í sumar. Telegraph segir frá.
Haaland mun yfirgefa Dortmund í sumar þegar klásúla tekur gildi sem gerir honum kleyft að fara fyrir aðeins 63 milljónir punda.
Síðustu daga hefur Man City verið talið leiða kapphlaupið um norsku stjörnuna. Real er þó gjarnan nefnt til sögunnar einnig.
Það gæti kostað um 100 milljónir punda með öllu að fá Haaland í sumar.
Bæði lið hafa gert ráðstafanir og eru klár í að reiða fram þessa upphæð samkvæmt frétt Telegraph.
