Undanfarna daga hefur því verið velt upp hvort Manchester United gæti nýtt sér slæma stöðu Chelsea og lokkað stjóra liðsins, Thomas Tuchel, yfir á Old Trafford.
Chelsea leitar logandi ljósi að nýjum eiganda eftir að eigur Roman Abramovich, núverandi eiganda, voru frystar vegna tengsla hans við Vladimir Putin, Rússlandsforseta.
Tuchel var spurður út í stöðuna í dag. Hann er ekki að hugsa um að yfirgefa Chelsea ef marka má orð Þjóðverjans.
,,Ég elska að vera hér og vinna fyrir Chelsea. Þetta félag hefur allt til að gera mig hamingjusaman. Það eru margar ástæður til að vera áfram hér og svoleiðis verður það,“ sagði Tuchel.
Ralf Rangnick er í dag stjóri Man Utd til bráðabirgða en hann tekur að sér starf á bakvið tjöldin á Old Trafford í sumar. Félagið leitar að nýjum stjóra.