Samkvæmt spænska blaðinu AS er líklegt að Cristiano Ronaldo verði áfram hjá Manchester United eftir þessa leiktíð.
Ronaldo kom til Man Utd frá Juventus fyrir leiktíðina. Persónulega hefur hann átt nokkuð góða leiktíð en liðinu hefur gengið afleitlega.
Umræðan upp á síðkastið hefur verið á þann veg að Ronaldo gæti vel farið í sumar, þrátt fyrir að eiga ár eftir af samningi sínum á Old Trafford.
Samkvæmt nýjustu fréttum er hins vegar líklegra að hann klári samning sinn.
Samband Ronaldo við Ralf Rangnick, stjóra Man Utd, er ekki talið vera gott. Þjóðverjinn mun þó taka að sér starf á bakvið tjöldin hjá Man Utd eftir leiktíðina. Þá mun nýr stjóri taka við.