Samkvæmt Sport á Spáni vill Arsenal fá framherjann Alexander Isak til liðs við sig frá Real Sociedad.
Arsenal er í framherjaleit. Pierre-Emerick Aubameyang fór til Barcelona í janúar. Þá verða þeir Alexandre Lacazette og Eddie Nketiah samningslausir í sumar.
Isak er á óskalistanum en Barcelona fylgist einnig með gangi mála hjá Svíanum.
Hinn 22 ára gamli Isak hefur gengið í gegnum markaþurrð undanfarið. Hann hefur þó áður sýnt að nokkuð er spunnið í hann.
Isak á að baki 31 leik fyrir sænska landsliðið. Hefur hann skorað átta mörk í þeim leikjum.
Framherjinn gekk til liðs við Sociedad árið 2019 frá Dortmund.