Leik Brighton og Aston Villa í ensku úrvalsdeildinni var að ljúka rétt í þessu. Leiknum lauk með 2-0 sigri Aston Villa.
Bæði lið þurftu á sigri að halda í dag eftir tvö töp í röð í deildinni. Fyrri hálfleikur var nokkuð rólegur og lítið um opin færi. Matty Cash braut ísinn á 17. mínútu leiksins og þannig stóðu leikar í hálfleik.
Ollie Watkins tvöfaldaði forystuna á 68. mínútu eftir stoðsendingu frá Tyrone Mings. Það reyndist lokamark leiksins og 2-0 sigur Aston Villa staðreynd.
Þetta var afar mikilvægur sigur fyrir Steven Gerrard og lærisveina hans. Aston Villa er í 12. sæti deildarinnar með 30 stig en Brighton er í 10. sæti með 33 stig.
Brighton 0 – 2 Aston Villa
0-1 Matty Cash (´17)
0-2 Ollie Watkins (´68)