Rætt var um brotthvarf Þorgríms Þráinssonar úr teymi íslenska landsliðsins í fótbolta í þættinum Íþróttavikan með Benna Bó, sem sýndur var á Hringbraut á föstudag.

Fréttir um brotthvarfið kom mörgum á óvart enda hefur Þorgrímur haft gott orð á sér, innan vallar sem utan og verið vinsæll starfskraftur.

Hörður Snævar Jónsson, íþróttastjóri Torgs, sagði söguna á bakvið fréttina en Fréttablaðið greindi frá brotthvarfinu á mánudag en Þorgrímur las það í fjölmiðlum að ekki væri lengur óskað eftir hans starfskröftum. „Hann hefur hlaupið í öll hlutverk, verið bílstjóri einn daginn og hlaupið á eftir boltunum hinn daginn. Nánast sálfræðingur með kaffibolla þegar leikmenn hafa þurft á því að halda og átt í sérstöku sambandi við leikmenn.

„En það er eitthvað sem segir mér að þessi knái maður hafi vitað þetta allan tímann en séð þetta sem betri sviðsmynd að setja þetta svona út.“

Jóhann Alfreð Kristinsson, uppistandari og mikill íþróttaáhugamaður, segir að Þorgrímur hafi verið í mögnuðu hlutverki í kringum landsliðið.

„Það er ekki hægt að segja að á heimasíðu KSÍ sé hlutverk hans skilgreint. Hann er eins og Hörður benti á, andlegur stuðningur og gengið í allskonar hlutverk. Ég er Team Toggi sem Valsari en þetta er kannski bara tákn um það sem er að gerast innan veggja KSÍ sem er að það er verið að þrengja að. Næsti formaður, hvort sem það verður Vanda eða Sævar, þá get ég séð að það eru fleiri svona fréttir í farvatninu.“

Nánari umræðu má sjá hér fyrir ofan en þar þeir félagar nánar um niðurskurðarhnífinn sem er á lofti inann veggja KSÍ og að einfaldasta skýringin á öllu þessu sé að Arnar Þór Viðarsson, landsliðsþjálfari, sé einfaldlega að búa til sitt teymi.