Jesse Lingard er ekki ánægður með sitt fyrrum félag Manchester United sem hann yfirgaf í sumar.

Lingard hafði allan sinn feril verið samningsbundinn Man Utd en var þó sendur annað á lán um tíma.

Sumarið 2021 var Lingard eftirsóttur og bjóst við því að fá að spila á því tímabili sem gerðist þó ekki.

Hann fékk aldrei nein svör um af hverju hann væri svo mikil varaskeifa og ákvað að lokum að kveðja félagið fyrir fullt og allt í sumar.

,,Ég veit ekki hvað vandamálið var, hvort þetta hafi tengst pólitík eða einhverju álíka. Ég hef enn ekki fengið svör,“ sagði Lingard.

,,Ég nennti ekki einu sinni að spyrja. Ég væri frekar til í að einhver myndi sýna mér þá virðingu og segja mér af hverju ég fékk ekkert að spila. Þetta voru svikin loforð.“