Kristján Óli Sigurðsson var gestur í Íþróttavikunni með Benna Bó á föstudag. Í settið var einnig mættur Hörður Snævar Jónsson, íþróttastjóri Torgs.
Í þættinum var karlalið Breiðabliks til umræðu en það hefur heldur betur styrkt sig fyrir komandi titilvörn næsta sumars þó enn sé langt í tímabil.
Benedikt sagði lið Blika vera það dýrasta í deildinni en Kristján var ekki alveg sammála.
„Það er ástæða fyrir því að þú ert blaðamaður en ekki hagfræðingur,“ sagði hann léttur.
„Þetta er yfirlýsing. Þessir sex leikmenn geta allir komist í byrjunarliðið.“
Hörður tók til máls en hann er hrifinn af þessari stefnu Blika, að klára leikmannakaup snemma.
„Þetta er vel gert hjá Blikum og vel skipulagt. Þeir fara með ákveðin nöfn í huga inn á markaðinn og landa þeim.“
Umræðan í heild er hér að neðan.