Erlendir miðlar hafa vökul augu og tóku eftir því í dag að Neymar leikmaður PSG og Brasilíu líkar við fegurstu fótboltakonu í heimi.
Neymar féll úr leik á HM í síðustu viku með Brasilíu en er að ná áttum og byrjaður að fara í gegnum Instagram. Hann setti læk á færslu frá Ana Maria Markovic sem er frá Króatíu og leikur sem atvinnukona í Sviss.
Ana Maria er 22 ára gömul og hefur verið orðuð við lið á Englandi. Enska pressan talar um hana sem fallegustu fótboltakonu í heimi.
Myndin sem Neymar setti læk við er af Ana Maria í bikini en klædd í treyju Króatíu.
View this post on Instagram
Ana Maria kveðst þreytt á því að þurfa alltaf að tala um útlit sitt þegar áhugi hennar er fyrst og síðast á því að vera frábær knattspyrnukona.
„Munurinn á körlum og konum er mikill, ef ég er í mynd á bikiní eða Erling Haaland er á sundskýlu. Það er öruggt að hann fær engar athugasemdir um útlit sitt frá karlrembum,“ segir Ana Maria sem er landsliðskona Króatíu.
View this post on Instagram
Ana Maria segir að það fari ekki í taugarnar á sér þegar talað er um hana sem fallega en þegar talað er um kynþokka þá finnst henni of langt gengið.
„Ég hef ekkert á móti greinum sem tala um mig sem fallegustu knattspyrnukonu í heimi eða eina af þeim fallegustu. Það gleður mig þegar ég er sögð falleg,“ segir Ana Maria.
„Það eru hins vegar greinar sem tala um mig sem kynþokkafyllstu fótboltakonu í heimi. Það situr bara ekki vel í mér.“
