Óskar Örn Hauksson hefur yfirgefið Stjörnuna eftir eitt tímabil með liðinu.
Hinn 38 ára gamli Óskar gekk í raðir Stjörnunnar fyrir síðustu leiktíð eftir fjórtán ár hjá KR.
Hann skoraði þrjú mörk í 25 leikjum með Stjörnunni í Bestu deildinni í sumar, en hann fékk ekki eins stórt hlutverk og flestir bjuggust við.
Óskar hefur verið oraðaður við Njarðvík, sem er nýliði í Lengjudeildinni á næstu leiktíð. Hann ólst upp hjá félaginu.
Yfirlýsing Stjörnunnar
Kæra Stjörnufjölskylda,
Stjarnan & Óskar Örn Hauksson hafa komist að samkomulagi um að leikmaðurinn kveðji okkur eftir eitt tímabil með liðinu þar sem hann spilaði 31 leik og skoraði í þeim 3 mörk.
Við þökkum Óskari kærlega fyrir sinn tíma hjá félaginu og fyrir hans framlag ásamt því að óska honum góðs gengis í næsta verkefni sínu!
Eins og fram hefur komið í fjölmiðlum þá hafa Einar Karl Ingvarsson og Ólafur Karl Finsen einnig kvatt félagið og viljum við nýta tækifærið og þakka þeim í leiðinni fyrir sinn tíma hér og óskum þeim einnig velfarnaðar í næstu verkefnum!
Skíni Stjarnan