Þáttur sex af Besta þættinum er kominn út. Þar mætast lið Víkings R. og Aftureldingar. Í þættinum eru leikmenn og stuðningsmenn liða í Bestu deildinni paraðir saman í keppni á móti öðru pari annars liðs.
Liðin svara spurningum um sitt eigið félag og reyna svo að safna fleiri stigum með því að sparka bolta í gegnum göt á segldúk sem er búið að strengja yfir mark.
Fyrir hönd Víkings mættu þeir Logi Tómasson og Tómas Þór Þórðarsson og fyrir Aftureldingu voru það Hildur Karítas Gunnarsdóttir og Steindi Jr.
