Sparkspekingar í Dr. Football telja að úrslit hjá KR um helgina séu áhyggjuefni og að stuðningsmenn liðsins hafi lítinn húmor fyrir slæmum töpum eftir síðustu ár.
KR hefur gengið í gegnum ólgusjó í Bestu deildinni síðustu tvö ár, fyrst undir stjórn Gregg Ryder og svo hjá Óskari Hrafni Þorvaldssyni í fyrra.
KR bjargaði sér frá falli í síðustu umferð í fyrra. Um helgina tapaði liðið 5-1 gegn Þrótti sem leikur í Lengjudeildinni.
„Þróttur unnu KR 5-1, ég geri aldrei mikið úr svona úrslitum. Ég held að KR-ingar eigi ekki mikið inni hjá stuðningsmönnum að vera að tapa svona í vetur,“ sagði Hjörvar Hafliðason í þætti sínum.
„Ég held að það sé enginn húmor fyrir þessu, frábær úrslit hjá Þrótti og gefur þeim eitthvað fyrir það sem koma skal.“
Jóhann Már Helgason tók þá til máls. „Maður sér þessi úrslit og skoðar liðin, Þróttur lítur vel út og þeir tóku Val líka. KR er í hafsenta krísu, ef mótið í sumar byrjar illa hjá KR þá verða stuðningsmenn þannig að þeir nenna þessu bulli ekki þriðja árið í röð.“
Arnar Sveinn Geirsson fyrrum varnarmaður Vals tók þá til máls. „Ég held að þolinmæðin sé ekki mikil, þú býrð ekki til stemmingu með 5-1 tapi gegn Þrótti.“
