Stjórnvöld í Ítalíu hafa farið þess á leit að yfirvöld í Brasilíu handtaki Robinho, fyrrum knattspyrnustjörnu og framselji hann til Ítalíu.

Robinho lék fyrir Real Madrid, Manchester City og fleiri lið á ferli sínum. Alþjóðleg handtökuskipun var gefin út af yfirvöldum á Ítalíu í fyrra.

Robinho var dæmdur í níu ára fangelsi á Ítalíu árið 2017 fyrir aðild að hópnauðgun á stúlku frá Albaníu sem átti sér stað árið 2013. Robinho var dæmdur sekur vegna skilaboða í síma hans, þar sem hann talaði um að stúlkan hefði verið ofurölvi.

Fyrir dómstólum kom fram að Robinho hafi niðurlægt konuna og að auki reynt að blekkja saksóknara með lögmanni sínum, þeir hafa breytt framburði sínum sem búið var að fara yfir og samþykkja af öllum aðilum.

Robinho hafði áfrýjað málinu en hæstiréttur á Ítalíu hafnaði því í fyrra. Bannað er að framselja fólk frá Brasilíu og því gæti reynst erfitt fyrir Ítala að fá Robinho til landsins.