Arsenal er úr leik í enska bikarnum eftir tap gegn Nottingham Forest í dag strax í þriðju umferð. Leikið var á heimavelli síðarnefnda liðsins.
Gestirnir fundu ekki taktinn í dag og unnu Forest frábæran sigur. Lewis Grabban skoraði eina mark leiksins á 83. mínútu eftir frábæra fyrirgjöf frá Ryan Yates.
Það er áhugavert að horfa til þess að Nottingham Forest sló Arsenal út á sama stigi keppninnar fyrir fjórum árum síðan.
Forest tekur á móti Leicester í fjórðu umferð keppninnar.