Ivan Toney, framherji Brentford í ensku úrvalsdeildinni, hefur að öllum líkindum komið sér í mikið klandur vegna ummæla um sitt eigið félag.
Hinn 25 ára gamli Toney er staddur í fríi í Dúbaí. Var hann í góðum gír með dömu sér við hlið þegar hann sagði félagi sínu að fara til fjandans (e. f**k Brentford). Myndband af þessu má sjá neðst í fréttinni.
Það kom fram í enskum miðlum í gær að Brentford hefði þegar hafið rannsókn vegna ummæla Toney. ,,Brentford FC veit af myndbandinu og það er í rannsókn,“ sagði talsmaður félagsins.
Toney hefur gert sex mörk í 21 leik á þessari leiktíð.
Í öðrum fréttum af Brentford kom það einnig fram í gær að Thomas Frank, stjóri Brentford, hafi samþykkt að greiða 8 þúsund pund í sekt til enska knattspyrnusambandsins vegna hegðunnar sinnar sem leiddi til þess að hann fékk rautt spjald eftir síðasta leik gegn Wolves.
Well… pic.twitter.com/gPkhUMEDWC
— Isaak Palmer (@IsaakPalmer) January 28, 2022
