Fullyrt er að Sævar Pétursson framkvæmdarstjóri KA ætli að bjóða sig fram til formanns KSÍ. Þetta segir Kristján Óli Sigurðsson sérfræðingur Þungavigtarinnar.
Kosið verður til formanns KSÍ í lok febrúar en Vanda Sigurgeirsdóttir núverandi formaður KSÍ sækist eftir endurkjöri.
Samkvæmt heimildum 433.is hefur Sævar íhugað framboð um nokkuð langt skeið. Hefur hann meðal annars hlerað áhrifamenn í fótboltanum sem margir hafa talsvert af atkvæðum á bak við sig.
Vanda tók við sem formaður KSÍ í október þegar Guðni Bergsson sagði starfi sínu lausu.
Sævar hefur lengi starfað hjá KA en hann átti farsælan feril sem knattspyrnumaður hér landi. Ekki náðist í Sævar við vinnslu fréttarinnar.