FH hefur staðfest kaup sín á Finni Orra Margeirssyni frá Breiðablik en hann var kynntur til leiks í Kaplakrika í dag.
Finnur Orri er þrítugur varnar og miðjumaður sem gekk í raðir Breiðabliks fyrir síðustu leiktíð.
Finnur var hins vegar ekki í stóru hlutverki hjá Óskari Hrafni Þorvaldssyni og hefur ákveðið að færa sig um set.
Finnur gekk í raðir FH árið 2014 en stoppaði aðeins í nokkrar vikur og gekk í raðir norska félagsins Lilleström.
Rúnar Kristinsson sem fékk Finn til Noregs fékk hann svo í KR þar sem Finnur átti góð ár.
FH hefur vantað varnarmenn en Guðmann Þórisson og Pétur Viðarsson hafa yfirgefið félagið í vetur. Líklegt er að Finnur komi til félagsins sem miðvörður.