Sogndal í norsku b deildinni hefur staðfest kaup sín á Valdimari Ingimundarsyni frá Strømsgodset.
Valdimar er annar íslenski leikmaðurinn sem Sogndal kaupir á viku en félagið fékk Hörð Inga Gunnarsson frá FH í síðustu viku.
Valdimar er sóknarsinnaður miðjumaður sem kom til Strømsgodset frá Fylki árið 2020. Hann spilaði 28 leiki með Strømsgodset og skoraði þrjú mörk.
„Við erum virkilega ánægðir með að fá Valdimar til félagsins,“ segir Havard Flo yfirmaður knattspyrnumála hjá Sogndal.
„Þetta er leikmaður með reynslu úr landsleikjum og efstu deild. Hann er með mikla orku og góður á boltann.“
Valdimar er staddur á Íslandi en er væntanlegur til Noregs í vikunni.
