Fjórir leikmenn Manchester United vilja burt frá félaginu nú í janúar til þess að fá fleiri tækifæri innan vallar.
Ensk blöð segja frá en ljóst er að Anthony Martial er að ganga í raðir Sevilla á Spáni. Mun spænska félagið greiða öll laun hans.
Martial hefur viljað fara frá United en hann átti þátt í sigurmarki liðsins gegn West Ham um helgina.
Jesse Lingard, Dean Henderson og Donny van de Beek vilja einnig yfirgefa félagið. Þannig reynir Newcastle að fá Lingard á láni.
Lingard er samningslaus í sumar en er klár í að fara til Newcastle á láni út tímabilið. Henderson vill fara frá United til þess að spila.
Hinn hollenski Van de Beek hefur fengið nóg af bekkjarsetu eftir um 18 mánuði á bekknum hjá United.