Enska úrvalsdeildarfélagið Crystal Palace vill fá Donny van de beek, leikmann Manchester United, á láni til félagsins í janúarglugganum. BBC segir frá.
Félögin eru í viðræðum en vitað er að Hollendingurinn vill fá meiri spiltíma.
Van de Beek hefur lítið spilað síðan hann gekk til liðs við United frá Ajax á meira en 35 milljónir punda í ágúst 2020.
Hann er opinn fyrir því að ganga til liðs við Crystal Palace þar sem hann myndi spila undir stjórn Patricks Vieira, fyrrum miðjumanns Arsenal.
Van de Beek hefur ekki byrjað leik í ensku úrvalsdeildinni á tímabilinu, en hefur átta sinnum komið inn á sem varamaður.