Lögreglan í Bretlandi hefur handtekið að minnsta kosti þrjá einstaklinga í tengslum við leiki í ensku úrvalsdeildinni um helgina. Einstaklingarnir eru allir sakaðir um að hafa hent hlutum inn á knattspyrnuvöllinn úr stúkunnu og í átt að leikmönnum.
Tveir menn hafa verið handteknir í tengslum við leik Chelsea og Tottenham um helgina sem endaði með 2-0 sigri Chelsea. Antonio Rudiger, varnarmaður Chelsea lenti í því að hlutum var kastað í áttina að honum af stuðningmönnum Tottenham, þetta kemur fram í tilkynningu frá lögreglu.
Þá hefur að minnsta kosti einn verið handtekinn í tengslum við svipað atvik í leik Everton og Aston Villa um helgina en flösku var kastað í áttina að leikmönnum Aston Villa er þeir fögnuðu eina marki leiksins undir lok fyrri hálfleiks.
Thomas Tuchel, knattspyrnustjóri Chelsea, hefur kallað eftir því eftir leiki helgarinnar að samskipti leikmanna, þjálfara og stuðningsmanna þurfi að batna. Hann segist ekki hafa áhyggjur af ástandinu en öryggisgæsla á heimavelli Chelsea hefur verið efld eftir nokkur atvik þar sem að stuðningsmenn hlupu inn á völlinn á meðan að leik stóð.
,,Ef þetta er nýja normið þá þurfum við að standa saman til að sjá til þess að þetta stoppi eins fljótt og hægt er til þess að standa vörð um frábæra andrúmsloftið í kringum knattspyrnuleiki á Englandi,“ sagði Thomas Tuchel, knattspyrnustjóri Chelsea í viðtali eftir leik liðsins gegn Tottenham um helgina.
A fan has been arrested after Lucas Digne and Matty Cash were both struck by a bottle as they celebrated Aston Villa's opener at Everton.
— Sky Sports News (@SkySportsNews) January 22, 2022