Hertha BSC tók á móti toppliði Bayern Munich í þýsku Bundesligunni í dag. Leiknum lauk með öruggum 4-1 sigri Bayern.
Bayern stjórnaði leiknum eins og búist var við og voru ógnandi fram á við. Corentin Tolisso kom boltanum í netið strax á 2. mínútu en markið var dæmt af eftir skoðun í VAR. Hann var þó aftur á ferðinni á 25. mínútu og braut ísinn fyrir Bayern. Thomas Muller tvöfaldaði forystuna tuttugu mínútum síðar og þannig stóðu leikar í hálfleik.
Leroy Sané skoraði þriðja markið á 75. mínútu og Serge Gnabry það fjórða aðeins fjórum mínútum síðar. Jurgen Ekkelenkamp skoraði sárabótamark mínútu síðar. Það reyndist lokamark leiksins og öruggur sigur Bayern staðreynd.
Bayern er á toppi deildarinnar með 49 stig, sex stigum á undan Dortmund. Hertha er í 13. sæti deildarinnar með 22 stig.
Hertha 1 – 4 Bayern Munich
0-1 Corentin Tolisso (´25)
0-2 Thomas Muller (´45)
0-3 Leroy Sané (´75)
0-4 Serge Gnabry (´79)
1-4 Jurgen Ekkelenkamp (´80)
