Atletico Madrid vann frækinn sigur á Valencia í La Liga, efstu deild Spánar, í kvöld.
Valencia komst í 0-2 í fyrri hálfleik með mörkum frá Yunus Musah og Hugo Duro.
Matheus Cunha minnkaði muninn fyrir heimamenn um miðbik seinni hálfleiks.
Þegar komið var í uppbótartíma var Atletico enn undir. Þá jafnaði hins vegar Angel Correa.
Skömmu síðar skoraði Mario Hermoso svo sigurmark Spánarmeistaranna. Frábær endurkoma. Lokatölur 3-2.
Atletico er í fjórða sæti deildarinnar með 36 stig. Valencia er í níunda sæti með 29 stig.