Brentford tók á móti Wolves í ensku úrvalsdeildinni í dag. Leikurinn hóft klukkan 15 en er nú nýlokið vegna mikilla tafa í fyrri hálfleik í kjölfar þess að dróni flaug yfir völlinn. Til að mynda var 19 mínútum bætt við fyrri hálfleikinn vegna tafarinnar.
Hvorugu liðinu tókst að skora í fyrri hálfleik. Má segja að dróninn hafi stolið senunni í honum.
Snemma í seinni hálfleik kom Joao Moutinho Úlfunum yfir eftir samspil við Nelson Semedo.
Ivan Toney jafnaði fyrir Brentford þegar tæpar 20 mínútur lifðu leiks. Markið gerði hann eftir flotta sendingu Bryan Mbuemo.
Staðan var þó ekki 1-1 lengi því sjö mínútum síðar var Ruben Neves búinn að koma gestunum aftur yfir með flottu skoti. Lokatölur 1-2.
Wolves er í áttunda sæti deildarinnar með 34 stig. Brentford er í fjórtánda sæti með 23 stig.