Það eru líkur á því að Everton reyni nú að ráða Wayne Rooney sem næsta stjóra félagsins. Félagið rak Rafa Benitez úr starfi í fyrradag.
Rooney er á sínu öðru ári með Derby við erfiðar aðstæður en félagið er ár barmi gjaldþrots og hefur verið tekið til greiðslustöðvunnar. Rooney ólst upp hjá Everton og vill fá starfið.
Rooney hefur þurft að læra hratt í stjórastarfinu en hann tók við á miðju síðasta tímabili þegar hann var enn leikmaður. Hann hætti að spila og ætlar sér alla leið í þjálfun.
Gráu hárunum fjölgar í skegginu enda er álagið mikið en Rooney er til í að leggja mikið á sig. Hann sefur til dæmis í sófa á æfingasvæðinu ef mikið er að gera.
„Ég er stríðsmaður, ég ólst upp við fátækt í Liverpool. Ég labba ekki í burtu frá áskorun,“ sagði Rooney í sumar.
Rooney lék lengst af undir stjórn Sir Alex Ferguson og leitar mikið í bók hans í nálgun sína á leikmenn. Hann fær reglulega ráð frá Ferguson en einnig David Moyes fyrrum stjóra sínum hjá Everton.
Nú vonast Rooney eftir því að fá starfið hjá Everton og koma sínu gamla félagi aftur á beinu brautina.