Gary Neville, fyrrverandi leikmaður Manchester United og knattspyrnuspekingur, vill að enska úrvalsdeildin hætti frestun leikja. Þetta sagði hann á samfélagsmiðlum sínum rétt í þessu.

Leikjum heldur áfram að vera frestað í ensku úrvalsdeildinni vegna kórónuveirufaraldursins. Alls var 16 leikjum frestað í desember og þremur hefur verið frestað í janúar hingað til.

Félög geta lagt fram beiðni um að fresta leik ef mikið er um meiðsli eða smit í leikmannahópnum. Í reglum ensku úrvalsdeildarinnar segir að leik verði einungis frestað ef lið getur ekki telft fram 13 útileikmönnum auk markmanns.

Óvíst er um framhaldið en Neville vill meina að það hefði átt að hætta við frestun leikja frá og með 1. janúar 2022.

„33 leikmenn og meðlimir þjálfararteymis hafa greinst jákvæðir með Covid af þeim 13.600 manns sem fóru í sýnatöku. Við vitum ekki nákvæmlega hvernig málum er háttað á milli leikmanna og þjálfara en það er ljóst að við verðum að hætta að fresta leikjum. 1. janúar hefði átt að vera síðasta dagsetningin sem leyfilegt var að fresta. Koma svo,“ sagði hann á samfélagsmiðlinum Twitter og merkti ensku úrvalsdeildina og ensku knattspyrnudeildina í færlsuna.

33 players and staff test positive for Covid out of 13,600 tests. We don’t know the exact breakdown between players and staff but it’s clear that now we must stop calling fixtures off. Jan 1st should have been the last date allowed for cancellations. Come on @premierleague @EFL

— Gary Neville (@GNev2) January 17, 2022