Framherjinn Dusan Vlahovic ætlar að bíða fram á sumar með að taka ákvörðun um næsta skref á atvinnumannaferli sínum í fótbolta.

Serbinn er mikið eftirsóttur um þessar mundir. Hann leikur með Fiorentina á Ítalíu en samkvæmt Sky Italy er félagið opið fyrir því að selja hann í janúarglugganum.

Vlahovic á 18 mánuði eftir á samningi sínum við ítalska liðið og vill félagið fá gott verð fyrir hann. Vlahovic jafnaði markamet Cristiano Ronaldo á Ítalíu þegar hann skoraði samtals 33 mörk á einu ári í fyrra.

Arsenal er eitt þeirra félaga sem hefur áhuga á framherjanum en samkvæmt heimildumönnum á Ítalíu vill Vlahovic helst fara til félags sem leikur í Meistaradeild Evrópu.

Mikel Arteta, knattspyrnustjóri Arsenal, sagði á dögunum að félagið hefði enn mikið aðdráttarafl fyrir leikmenn í heimsklassa. „Sögulega séð hefur félagið alltaf sóst eftir bestu leikmönnunum og besti leikmennirnir hafa alltaf sóst eftir því að koma hingað,“ sagði hann.

„Ég tel stöðuna ekki breytta. Þetta er einn helsti styrkleiki okkar. Leikmenn hafa alltaf verið viljugir að koma þegar ég hef rætt við þá. Ég hef aldrei upplifað neitt annað. Það er mikill kostur fyrir okkur að geta laðað til okkar leikmenn.“