Það má búast við hörkuleik þegar Manchester Untied heimsækir Aston Villa í enska boltanum á morgun. Liðin mættust í bikarnum á mánudag þar sem United vann nauman sigur.
Cristiano Ronaldo hefur hafið æfingar á nýjan leik en ekki er talið öruggt að hann geti byrjað á morgun.
Jadon Sancho og Harry Maguire eru byrjaðir að æfa og sömu sögu er að segja af Phil Jones.
Ensk blöð telja að Anthony Elanga komi inn í byrjunarliðið og að Donny van de Beek gæti fengið tækifærið. Líklegt byrjunarlið United á morgun er hér að neðan.
