Það stefnir í að Íslendingar muni berjast um markvarðarstöðuna hjá Midtjylland í dönsku úrvalsdeildinni ef marka má fréttir dagsins.

Þannig segir Ekstra Bladet frá því að Midtjylland hafi lagt fram tilboð í Hákon Rafn Valdimarsson markvörð Elfsborg í Svíþjóð.

Grótta seldi Hákon til Elfsborg síðasta sumar en Hákon er tvítugur markvörður og er með íslenska landsliðinu í verkefni um þessar mundir.

Fyrir hjá Midtjylland er Elías Rafn Ólafsson sem átti frábæra spretti á síðasta ári sem varð til þess að Jonas Lössl ákvað að yfirgefa félagið.

Midtjylland horfir til þess að fá Hákon til að keppa við Elías sem varð fyrsti kostur Íslands í markið á síðasta ári.