Anwar El Ghazi er genginn í raðir Everton frá Aston Villa. Hann kemur til félagsins á láni frá Aston Villa út tímabilið.
El Ghazi er 26 ára gamall vængmaður. Hann á að baki tvo landsleiki fyrir þjóð sína, Holland.
✍️ | Anwar El Ghazi has completed his loan move to #EFC from Aston Villa for the remainder of the 2021/22 season.
— Everton (@Everton) January 13, 2022
Þetta eru ekki einu viðskiptin sem Aston Villa og Everton hafa gert sín á milli í dag. Síðarnefnda félagið seldi bakvörðinn Lucas Digne til Villa. Kaupverðir var um 25 milljónir punda.
Digne er franskur landsliðsmaður en hann hefur áður leikið með Barcelona, PSG og fleiri liðum.
„Við stukkum á tækifærið þegar Digne var í boði,“ sagði Steven Gerrard stjóri Aston Villa, um kaupin á Digne.
Digne var í stríði við Rafa Benitez stjóra Everton sem vildi losna við bakvörðinn. „Fyrir ári skrifaði ég undir nýjan samning við Everton enda vildi ég vera lengi hérna. Það sem átti sér svo stað og sumir hlutir sem voru sagðir um mig gerðu mig sáran. Stundum þarf bara einn aðila til að skemma samband,“ sagði Digne um Benitez.