Enska úrvalsdeildin notar fyrirtæki sem heitir Prenetics til að taka COVID próf af öllum leikmönnum deildarinnar.
Fyrirtækið hefur staðið sig vel og afar fá jákvæð próf hafa skilað sér sem ekki eru raunverulega jákvæð
Þrátt fyrir að flest félög noti Prenetics þá er í boði að nota önnur fyrirtæki í þessa þjónustu.
Það gerði Liverpool í síðustu viku þegar félagið fékk fjölda jákvæðra prófa í hús. Liverpool ákvað að nota fyrirtæki frá Liverpool fyrir leikinn gegn Arsenal í deildarbikarnum.
Margar falskar jákvæðar niðurstöður komu í hús og fór Liverpool fram á að leiknum yrði frestað. Það var gert en í raun var aðeins einn leikmaður Liverpool með COVID-19.
Mörg félög eru ósátt með málið en EFL sem sér um deildarbikarin mun ekki skoða málið neitt frekar.
