2198 voru handtekin á leikjum í enskum fótbolta á síðasta ári sem er það mesta á knattspyrnuleikjum þar í landi í átta ár.
Aukin notkun á kókaíni í kringum knattspyrnuleiki á Englandi er sögð stærsta ástæðan fyrir þessu.
Mikil læti voru á völlum Englands í fyrra sem var fyrsta tímabilið eftir COVID þar sem fólk gat mætt á völlinn án takmarka.
Mikil læti voru sérstaklega undir lok síðasta tímabils en lögreglan framkvæmdi handtökur á 1609 leikjum. Lögreglan þurfti að handtaka fólk á yfir helmingi leikja.
Um er að ræða 59 prósent aukningu í handtökum á fólki frá árinu 2018/2019 sem var síðasta heila tímabilið þar sem fólk gat mætt á völlinn yfir allt tímabilið.